Pagmamalay para kay Egay: Kalayaan

Una sa lahat, ang seksyon na ito ng aking blog ay para sa aking mga tala sa aking journal para sa Filipino 14, kaya magagawa lamang ito sa unang semestre. Si Ginoong Edgar "Egay" Samar ang aking guro, at nawa'y magkaroon ako ng magandang karanasan sa kaniya.

May kalayaan, ngunit may limitasyon

Free cut kami sa una naming klase. Ang saya 'no? Napag-isip-isip ko lang, kailan na ba nakasasama ang ating kalayaan? Oo, malaya ang tao na gawin ang kaniyang naisin. Ngunit kung ang kalayaan ding ito ang magiging dahilan ng tao para sa kaniyang mga gawa, at hindi isang layunin na makakabuti para sa kaniyang sarili at sa ibang tao, hindi ba ang kalayaang dapat kontrolado ng tao ay siya nang kumokontrol sa tao?